Esta cita con Rosalía de Castro é unha necesaria homenaxe en Familia.

         "FOLLAS NOVAS", a coral coruñesa que tantos anos leva cantando ós maís profundos sentires, tiña a obriga de relembrar o pensamento da poetisa cos instrumentos máis definitivos: a palabra, a voz, a música...

         Queríamos activa-la nosa memoria, pois moitas veces encontramos nela máis semente de futuro que restos de pasado. A substancia dun pobo é a súa historia; o que temos veunos dado como xeneroso agasallo, esforzo doutras persoas que, como Rosalía, atinaron a crealo. Esquecelo sería ignorar a verdadeira condición do que somos; un acto de ingratitude imperdonable.

         Por iso a Coral Polifónica "FOLLAS NOVAS" e o estudio de teatro "CASAHAMLET" xuntaron os seus esforzos e saberes para facerlles chegar a vostedes, en forma de palabras e de música, o corazón dunha muller que representa o máis profundo e auténtico desta patria.